Við golfkennslu er notast við Michael Jacobs 3D kennsluaðferðir í golftækninni til að skilja hvernig líkaminn og kylfan hreyfir sig. Hann er nefndur á topp 50 golfkennaralistanum hjá Golf Digest og topp 100 golfkennaralista Golf Magazine. Mikil vísindi eru á bakvið fræðin en það besta við nálgunina er að allt er útskýrt á mannamáli. Mjög einfaldar útskýringar sem Jacobs hefur þróað og allt gert sem þæginlegast fyrir nemandann.

Ég er búin að fá mikla þjálfun í íþróttasálfræði og víðlesin í þeim efnum. Ég skil sjálf frá eigin reynslu hvernig manni líður undir pressu og kann ýmsar aðferðir til að tækla það sem maður upplifir úti á golfvelli ef fólk vill einnig slíka aðstoð.